因為個xanga唔知做咩事~~

我決定開過個新既~

各位快D add返我啦^^

http://www.xanga.com/WingYan_1202

9-7-2007

虛少生日快樂呀~~唔好再咁虛喇~~~

我買左禮物比你架~~等我呀~~

8-7-2007

今日係大表哥的囡囡擺滿月酒既大日子~

呢個於今年4月1日愚人節出世既BB女~係一個七星女!

唔知七星BB係咪真係會聰明D架呢

出世後一直都未露過面~好神秘呀真係! 我都係今日先知佢叫咩名~

張璛程<----好名~我第一時間就聯想起....秀茂坪的秀程樓~ 哈哈

今日老笠大表哥部XBOX既計畫又失敗左!!!!

原來細表哥已經買左Wii喇~~得閒要去玩下先得!

於酒席上...又比呀五姑丈暗示我冇身材 -__-"" 睇黎要豐下胸先得!

每次見到我都不停叫我食多D野,比佢講左成 3,4 年 @@" 都慣左

今次酒席既糖水係...合桃露!!! 要補下哥哥個豬腦~其實我係第一次食~都幾好食丫

半夜飲左支烏龍茶之後.......

今日就眼光光到天光......天呀........失眠正入侵我.......

                            比撒檸檬茶斜塔                                          不願上鏡的同事.....

              楊貴妃最鍾意食既水果!                                                   打手指模~~

打得好投入呀.......呢位男士其實唔應該長期係度打等@@ 點解次次都見到佢架??

                                      打完喇~~ 拜拜^^

今日!!!!! 搭619既時候真係超級熱!!!架車好似冇冷氣咁呀!

我都未試過搭冷氣巴會搭到冒汗架 @@"

之後下午入左長洲~

其實係冇咩野做架~~ 不過冇咩地方行就去下離島啦~

可惜冇搵呀安~HAHA

去到見到D好得意既警車同消防車~~

跟住就一路行呀行~~真係好鬼沙灘架果度賣D野~

係街邊吉魚蛋!!! 粒魚蛋大粒過個乒乓波! 勁!

繼續行~~沙灘好多人~~好夏日~好陽光~好熱呀!!!!!!!

再行~~行下睇下~5點幾去左食野~~雖然唔肚餓~~

食完6點幾~~行多陣~7點就搭船出返黎LU~~

                       沙灘拖&花花                                 好襯的兩隻鞋~                                          貓一隻~

返到出黎7點半~~行下行下又8點半~

之後去左食糖水~好味^^

跟住又返返去淘大~~仲買埋對Super mini 沙灘拖~

今日好似去左好多地方咁@@ 好攰呀~~~

聽日要休息一下~